Běła Hora je mały wjesny dźěl njedaloko Worcyna. Je to ratarska wjes, kotraž je juhozapadnje wobmjezowana přez Běłohórske hrodźišćo, małeje zalěsnjeneje hrodźišćoweje hórki a z tamneje strony wot Lubaty. Dominowace twarjenje wjeski je nimo Běłohórskeho młyna dom Eben-Ezer, srjedźišćo tamnišeje cyrkwinskeje zhromadnosće. Nowa Běła hora je małe sydlišćo, hdźež steja někotre domy podłu dróhi kotraž na Budysku dróhu wjedźe.