Gröditz - Hrodźišćo
Sewjero zapadnje Wósporka leži wjes Hrodźišćo z 470 wobydlerjemi a z jeje něhdyšimi wjesnymi dźělemi Wichowy, Wuježk, Wudwor a Chortnica.
Za Hrodźišćo płaći hesło “małe, ale oho!”, přetož kóždu zajimawostku sej wobhladać so wudani. Woblubowany magnet je na přikład hród a rjenje ponowjena cyrkej, kotraž je hižo wot daloka widźeć. Hród a hrodowy park buštaj w minjenych lětach wobšěrnje wobnowjenaj. Pod hrodom so wijaca Lubata je z wobeju stron wobdata wot přirodneho niwoweho lěsa, “Hrodźišćanskeje skały”.
Ludźo, žedźo so za wotpočowanjom, pućowarjo a putnicy namakaja tu z dalokej krajinu a měrom Hrodźišćanskeje skały to, štož wočakuja.
Towarstwo “pro-Gröditz e.V.” wěnuje so zachowanju hrodu a hlada wulke dźěle skały.
Jan Awgust Měrćink – žiwjenjoběh
| 21. awgusta 1817 | Jan Awgust Měrćink narodźi so w Hrodźišću pola Budyšina, dźensa: Nowa dróha čo. 17 w Hrodźišću |
| wot 1832 | dźěła jako šewc w Małym Wjelkowje, po ně. 5 lětach wukubłanja je wot ně. 1837 wuwučeny rjemjeslnik |
| 25. měrca 1841 | přiwzaće do bratrowskeje jednoty |
| 3. meje 1841 | Měrćink přewozmje jako mišter bratrowsku šewcownju w Małym Wjelkowje |
| februar 1844 | wuzwoli so Měrćink za misionsku słužbu na Labradorje |
| awgust 1844 | docpěchu Okak, Labrador |
| nazyma 1849 | nawróći so Měrćink do Łužicy |
| 5. januara 1850 | delegowanje jako tołmačer, kiž znaje rěč eskimowcow, při pytanju za łódźu britiskeje ekspedicije Sir John Franklina |
| 16. januara 1850 | poda so do Londona |
| 20. januara 1850 | wotjědźe na łódźi „Investigator“ |
| apryl 1850 | łódź „Investigator“ docpěje Patagonisku a přeprěći dróhu Magelan |
| 1.-4. julija 1850 | leži „Investigator“ pola Honolulu, Hawaii |
| 29.-31. julija 1850 | posledne kontakty z britiskimi čołmami před Alasku |
| awgust 1850 | zetkawanja z Inuit při sewjernym pobrjóhu Alaski a dźensnišeje Kanady |
| zyma 1850-1853 | „Investigator“ zamjerznje pola Banks Island |
| meja 1853 | pěši poda so na Beechey Island |
| oktober 1854 | Měrćink nawróći so z Arktiki do Łužicy |
| nazyma 1855 | wozjewjenje prěnich powědanjow Měrćinka |
| awgust 1856 | powołanje Měrćinka na misionsku słužbu do Južneje Afriki |
| 7. oktobra 1856 | woženi so Jan Awgust Měrćink z Clementinu Augustu Erxleben |
| 20. oktobra 1856 | wotjědźetaj do Kapstadt w Južnej Africe, dojědźetaj 31. decembra |
| 18.2.1857 | započatk skutkowanja w Elim |
| 6. decembra 1857 | narodźi so dźowka Marie |
| 6. septembra 1861 | přećehnje Měrćinkec swójba do Gnadenthal (w Južnej Africe) |
| nowember 1867 | wotwołanje Jana Awgusta Měrćinka jako misionar |
| 1. apryla 1868 | najmłódša dźowka Helena so jako 6. dźěćo narodźi. Dohromady narodźi so jimaj šěsć dźěći, wot kotrychž pak jenož dwě přežiwištej |
| 10. měrca 1869 | Měrćinkec swójba wotjědźe z Južneje Afriki |
| 5. meje 1869 | nawrót do Małeho Wjelkowa |
| 21. decembra 1869 | zemrě mandźelska Clementina Awgusta |
| 1873 | zhubi Měrćink zamóženstwo |
| 30. měrca 1875 | Jan Awgust Měrćink w starobje 57 lět w Małym Wjelkowje zemrě |