Mjez Kotecami a Žarkami leži wjes Łusk, samo na sebi stawiznisce znata wjes, z něhdy rjanym hrodom, kotryž je posledni wobsedźer 1946 skóncował. Jako městno k bydlenju z idylisce ležacym “Łušćanski hrodźišćom” a něhdy tam natwarjenej kumštnej ruinu je Łusk jara zajimawy.

Před někotrymi lětami załožene towarstwo za hrodowu zahrodu zaběra so ze stawiznami Łuska a zarjaduje lětnje woblubowane swjedźenje na hrodowej zahrodźe.

Łusk zjednoća w sebi stawizny, idylki, bajki, powěsće a kulturu. Z historiskim srjedźišćom wulkeho ryćerkubła, hrabinskej swójbu Breßler a wjedźenym kołopućom po romanstiskim parku so wjes zaso wožiwi. Dobrej dwaj kilometraj wije so „Princowa šćežka“ přez bajkojty a historiski Łusk a Łušćansku skału (tež Łušćanske hrodźišćo mjenowana).
Start a cil kołopuća kaž tež móžnosć parkowanja su bjezposrědnje při hrajkanišću. Při startowej tafli hodźi so karta „Princowa šćežka“ z pomocu QR-coda na šmóratko sćahnyć. Zaměr princa (potajkim wobdźělnika) je, swoju Ćernjolinku w ruinje wěže namakać a ju wubudźić. K tomu ma cyłkownje wosom stacijow zmištrować, kotrež su z taflemi woznamjenjene. Na taflach poskićuja so informacije k stawiznam a pućej jako audio-QR-code, informacije k stawiznam w němskej a serbskej rěči.
Poskićujemy z našej Princowej šćežku swójbam, lubowarjam přirody a přećelam pućowanja tež přez wjesne hranicy zajimawe a woblubowane wulětne cile a spěchujemy towaršnostnu zaběru. Tež wokolne zakładne šule maja z tym dobry a načasny poskitk za pućowanski dźeń, kotryž złožuje so na wěcnu wučbu, zwjazany z wědu wo rostlinach, serbskej domizniskej kulturu, bajkami a powěsćemi a garantuje tež wjele wjesela. Přidatnje skići so móžnosć małeje kolesowarskeje tury za cyłu swójbu. wotležane wjeski maja lěpšiny z bliskich dwórnišćow: z dwórnišća we Wujězdźe (Breitendorf) wjedźe puć do Łuska, dale přez Něćin a Rodecy k dwórnišću w Pomorcach. Wobsteji tež móžnosć, tute pućowanje zwjazać z pućowanjom „Po sydom mostach“.